[是日行山] 弓張岳展望台

弓張岳展望台

路線: 佐世保綠色酒店 - 佐世保朝市 - 弓張岳展望台 - 佐世保綠色酒店 

用時: 二個半小時左右

距離: 大約12公里

日期: 2015年5月27日

相機: Sony A5100

今次嚴格黎講唔算行山，只不過係係佐世保保市內走黎走去。今日原本係想出去睇下佐世保朝市，點知同上次係高山個宮川朝市係兩樣黎嘅。裏面淨係賣下菜、海鮮同生果，冇咩特別野賣，所以望左兩眼就走左。

見時間仲早，昨日又淨係去得石岳展望台，好想去睇下其他展望台有咩分別，所以就決定走去另一個出名的展望台 – 弓張岳展望台。由於事前冇計劃會去呢到，唔知巴士時間，又冇上網，所以只可以憑著張得市內部分的地圖同啲指示牌行上去。

連計劃都冇，所以根本唔知有幾遠同要行幾耐，而且大約得兩個鐘左右就要返酒店拎行李去搭JR走，所以一路都要好趕咁行，回程要半行半跑咁先趕得切返到酒店。

呢個展望台嘅標誌

[是日行山] 在屋久島的第四天

在屋久島的第四天

路線: 屋久島 - 鹿兒島

用時: N/A

距離: N/A

日期: 2015年5月19日

相機: HTC ONE

今日係留係個島最後一日，主要都係還裝備，拎返啲行李同去個展覽館睇下，係好輕鬆的一日。

行完山就好好天

[是日行山] 在屋久島的第三天

在屋久島的第三天

路線: 新高塚小屋 - 宮之浦岳 - 花之江河- 淀川登山口 - 紀元杉

額外行程: 紀元杉 - ヤクスギランド

用時: 約十小時二十三分鐘

額外行程用時: 多過二個半小時

距離: 約13.6公里

額外行程距離: 6公里

日期: 2015年5月18日

相機: Sony A5100 和 HTC ONE

今日就係成個屋久島行程的重點，登上九州最高峰 - 宮之浦岳。今日大風又大雨，兼可以親身體驗到中學地理堂學到每高一千米低六度的知識。好彩最後都成功上到山頂，完成到目標。

登頂了

[是日行山] 在屋久島的第二天

在屋久島的第二天

路線: 白谷雲水峽 - 大株歩道 - 繩文杉 - 新高塚小屋

用時: 約十小時二十三分鐘

距離: 約13公里

日期: 2015年5月17日

相機: Sony A5100

昨日叫做休息完，今日就開始登山，今日目的地係新高塚小屋。我地會係果到訓一晚，之後第二日就去登頂。今日呢條相比聽日行果條可以講係十分輕鬆，沿途會見到幽靈公主取景的地方、好多溪澗同好多唔同杉樹。沿途大部分撞到的行山人士都係日本人，次次迎面見到都會打招呼，又會成team 人主動讓迎頭相遇或者行得快嘅人，同係香港行山完全唔同。

唔識影相，亂咁影都靚的森林

[是日行山] 在屋久島的第一天

在屋久島的第一天

路線: 鹿兒島 - 屋久島

用時: N/A

距離: N/A

日期: 2015年5月16日

相機: Sony A5100

由於我地昨日夜晚先落機，又坐夜行巴士由福岡黎鹿兒島，另外又要準備上山的裝備、路線同食物，所以第一日都係係個島輕輕鬆鬆走黎走去。最主要的景點就係海中溫泉。

潮漲中的海中溫泉

[是日行山] 在屋久島的第零天

在屋久島的第零天

是次行山行左去日本，目標係日本九州最高嘅山 – 宮之浦岳。今次係第一次係香港以外的地方行山，亦係第一次行山要行多過一日兼要拎N咁多野上山。歷經大風大雨兼低溫，最後都可以成功登頂。

[是日行山] 港島徑全段

港島徑全段

路線: 港島徑第一段 - 港島徑第八段

用時: 約十四小時三十六分鐘

距離: 約四十九公里

日期: 2015年5月13日

相機: Sony A5100

是次行山去左挑戰長度，一次過行晒港島徑第一至第八段，由夜晚行到天光。港島徑大部分路段都唔算太難，好多都係平路而且係石屎路，比較辛苦的路段只有第五段上渣甸山同畢拿山，同埋第七段尾段上到去龍脊。呢兩段路都要不斷上山，而且都行左超過一半，得返半條命，所以覺得特別辛苦。

維港夜景

[是日踩單車] 荃灣 - 天水圍

荃灣 - 天水圍

路線: 荃灣 - 屯門 - 天水圍

用時: 二個半小時左右

距離: 33.42 KM

日期: 2015年5月3日

相機: HTC ONE

是日終於得閒可以去遠D又未去過嘅地方踩下單車。今次踩呢條路係一條好熱門的路線，係途中總有一架單車係附近。呢條路線最大特點就係荃灣去屯門中間有大部分路線沿海，又會經過一堆沙灘，可能一路踩一路睇下風景。另外呢條路全程都係平路，可以輕輕鬆鬆咁踩。

香港濕地公園

[是日行山] 西貢長咀

西貢長咀

路線: 北潭凹 - 赤徑 - 大灣 - 長咀 - 鹹田 - 赤徑 - 黃石碼頭

用時: 約七個半小時

距離: 約二十公里

日期: 2015年3月5日

相機: Sony A5100

是次行山行左去長咀，一個非常遙遠的地方。如果唔計要坐船先去到的島嶼，長咀係香港最東的地方，亦因為咁，我地先走去挑戰。今日天氣其實唔係幾好，陰天有微雨，近海又超級大風，但因為連續個幾兩星期天氣都係咁上下，所以我地決定唔理天氣係點都係今日出發。

長咀一角

[是日行山] 大東山

大東山

路線: 伯公坳  - 大東山 - 二東山 - 蓮花山 - 南山古道 - 梅窩

用時: 五個多小時

距離: 約十一公里

日期: 2015年2月10日

相機: Sony A5100

之前已經去過大帽山同鳳凰山，全香港最高果三座山去左兩座，今次去埋第三高的大東山。今日天氣唔算好，煙霞好大，去到大東山山頂都望唔得遠，連機場都係望到少少，個天又灰灰濛濛，所以全程都睇唔到咩靚景。

石屋

[是日踩單車] 啟德郵輪碼頭

啟德郵輪碼頭

路線: 黃大仙 - 啟德郵輪碼頭 - 觀塘碼頭 - 油塘 (來回)

用時: 三個半小時左右

距離: 27.32 KM

日期: 2015年1月29日

相機: HTC ONE

是日去踩單車，之前多數踩郊區，咁今次就試下踩市區。今次由黃大仙開始，踩到去油塘，途中經過啟德郵輪碼頭同觀塘碼頭。呢條路除左郵輪碼頭果段之外，其實唔多好踩，因為多車又多燈位，踩幾下就要停，又要睇實四圍D車。下次再踩，我都可能揀凌晨先去踩，少車D安全D。呢到成條路都係平路，所以除左路上交通之外，唔會有咩難度。另外，因為如果第一次踩，應該記熟D街名，因為係九龍灣果頭D路都幾複雜，有好多條路，但有D路有限制，例如唔轉得某個方向或者。我地就係因為記唔熟，所以途中有行錯路，要停車睇下Google Map。

啟德郵輪碼頭係我地第一個checkpoint。我係第一次去啟德郵輪碼頭，對於我黎講，最特別就係係跑道公園裏面有塊係香港市區都少見嘅草地。係郵輪碼頭參觀完後，就去左check point 2 —  觀塘碼頭同個海濱公園。睇完果三個疊起嘅箱，我地就一鼓作氣踩去油塘。鑑於踩完都五點幾差唔多六點，放工會多車，所以我就hea到七點先回程歸家。

啟德郵輪碼頭

[是日行山] 水浪窩 - 慈雲山

水浪窩 - 慈雲山

路線: 水浪窩 - 馬鞍山 - 大金鐘 - 昂平 - 慈雲山

用時: 八個多小時

距離: 大約17.86KM

日期: 2015年1月1日

相機: Sony A5100

新一年，新路線，新挑戰。今年嘅第一日去左行山，由水浪窩行到去慈雲山。今次係我行咁多次山行得最耐嘅一次，行左成八個鐘有多，由朝行到晚，但實際上係唔洗行咁耐，只不過我地驚轆落山，所以落山行得好慢好慢好慢，拖慢左成個進度，淨係落返馬鞍山同大金鐘都用左兩個鐘。

我地係沙田坐299X，去到水浪窩站落車開始行。今次成條路主要都係跟著麥理浩徑第四同第五段行，只係中途走左上馬鞍山同大金鐘。唔計上山，成條路都唔算難行，係上上落落都幾多，有幾多樓梯。至於風景方面，三個字—非常好，沿途可以見到好多地方，包括沙田、馬鞍山、大埔、西貢、九龍和港島等地方，差唔多睇晒半個香港。只不過雖然今日天氣良好，但始終都係有煙霞，影響左能見度，睇得冇咁清。

夕陽