[是日踩單車] 昂坪大佛

昂坪大佛

路線: 東涌 - 昂坪大佛 - 東涌

用時: 六小時左右

距離: 38.03 KM

日期: 2014年8月28日

相機: HTC ONE

是日去挑戰踩單車去大佛。今次條路十分辛苦，因為有大量上斜，仲要唔係普通嘅斜，好多斜路都係1:10以上。但我地都冇放棄，抖下又踩下，零推車，慢慢慢慢咁上，最後都去到大佛。

我地係塘尾路果條村果到食個lunch，然後就開始沿東涌道踩去南大嶼山。東涌道呢段路非常非常辛苦，成條斜路都好斜，冇咩地方會係平D，所以中途我地都要停左好多次先上到伯公坳。有辛苦的上斜，就當然有舒服的落斜，一路向下滑，唔洗十五分鐘就到底。之後，我地就沿嶼南路一路踩，每經一個海灘都落去睇一睇，但因為係平日，所以冇咩野睇。

因為嶼南路都算係一條平路，所以好快就去到石壁水塘，亦即係要面對另一條長斜的時候。羌山道雖然冇咁斜，但因為之前踩東涌道都冇左半條命，所以又係覺得超辛苦。之後再踩埋都好斜嘅昂平路就到昂坪。

係昂坪休息完之後就沿昂平路接深屈路落山，又係唔洗幾耐就到底。之後穿過D村路出返去東涌，途中有兩個地方可以睇到飛機，一個係碼頭，一個係亭，我地係呢兩個地方都停左陣。之後踩多陣就去返東涌。

石壁水塘

以下係今次的路線圖:

以下係沿途嘅風景:

係東涌道多次休息，以超慢嘅速度上山，最後終於去到伯公坳。

最後一段1:6，超辛苦

伯公坳

準備落超斜嘅斜路

落斜途中停低影下相

落都好斜，要好小心落

上長沙海灘旁的小溪

上長沙海灘

海灘冇乜人，冇野睇

塘福泳灘

塘福泳灘都係冇乜人

石壁水塘，可以見到我地嘅目標 - 大佛

由大風坳望返落石壁水塘

大風坳真係好大風

上到大佛冇曬力，冇心機影相。之後由深屈村果邊返東涌。

係碼頭聽飛機聲都幾震撼

返東涌途中去碼頭睇飛機同聽飛機聲

係途中有個亭，呢到睇飛機都幾

最後返到東涌係逸東邨旁D村屋到食埋個酸辣米線就返屋企。