[是日行山] 在屋久島的第零天

在屋久島的第零天

是次行山行左去日本，目標係日本九州最高嘅山 – 宮之浦岳。今次係第一次係香港以外的地方行山，亦係第一次行山要行多過一日兼要拎N咁多野上山。歷經大風大雨兼低溫，最後都可以成功登頂。

屋久島大約得香港一半左右咁大，但山嘅高度就高過香港最高嘅大帽山一倍有多，以人黎講就係又瘦又高，身材獨特。另外，佢島上部分地區係世界自然遺產，有大片未開發過的樹林同有好多又大又老的杉樹，而且又係幽靈公主取景的地方，所以就吸引到我今次去旅行行呢座山。

今次我地係呢個島留左四日三夜，其中兩日用黎行山，其他時間就用黎周圍行下，去睇下海中溫泉。但要玩晒呢個島，睇晒所有野，包括各條出名嘅瀑布、沙灘、海龜、西部林道，應該起碼要一個星期，所以今次我地都只算係走馬看花。