2014年6月1日 星期日

[是日行山] 西貢大浪灣

西貢大浪灣

路線: 西灣亭 - 西灣 - 鹹田灣 - 赤徑 - 北潭凹
用時: 五個多小時
距離: 約12公里
日期: 2014年6月1日
相機: HTC ONE

是日行山,目的地係西貢。我地去行有香港後花園之稱的大浪灣。今次嘅終點原本係長咀,但因為我地行得慢,加上又曬,體力所剩無幾,所以去到鹹田灣就開始行去北潭凹,冇去到長咀。

我地係西貢坐綠的去西灣亭。落車之後就跟著大浪灣遠足徑黎行,一開始就會見到萬宜水庫,之後落多陣山就會見到沙灘。沿途D風景都好靚,好多路段都係係海邊,咁啱今日天氣又非常之好,所以可以睇到好遠好遠。如果畀人矇著眼掉你黎呢到,你會以為去左其他國家,因為水天一色,水清沙幼,完全唔似係香港。沿海嘅路段冇乜地方可以遮蔭,所以好曬嘅日子行就要做足防曬同帶夠水。

到左鹹田灣之後就開始進入內陸,見返多D樹,又冇咁曬。一路行呀行,就會到赤徑,呢到有個石灘同洗手間,可以休息下。之後就繼續向目的地北潭凹進發,呢段路要上D斜,但唔會算太難。到左北潭凹就坐返巴士出西貢,食我朋友極力推薦的雞飯。我覺得都幾好食,食完就返歸了。

鹹田灣