日本太平洋岸自転車道 - 第二日
路線:成田去銚子
日期:2024年02月23日
距離:52KM
酒店:ホテルサンライズ銚子
相機: Google Pixel 8 Pro + Sony Xperia 1 II
今日係第一日會踩單車嘅日子,所以都唔會plan得太chur,行程只係大約五十公里,可惜就係落雨,難度加咗一級。最後安全到達之餘,亦都畀預計時間早咗到,但發生咗樣傷心事,就係唔小心整心咗個把手😭
銚子站 |
一個90後在香港和其他國家行山,踩單車和旅行的經歷
今次係自從上次去四國環島之後,第三次去日本踩單車,距離上次出國踩單車都有差唔多六年時間。路線係由成田機場出發,踩到去名古屋。除咗由伊良湖去名古屋,同部分路段想省返啲時間,大部分都係沿著太平洋岸自転車道嚟踩。
呢條單車線,喺一兩年前已經睇到,但因為疫情同當時嘅女朋友關係,一直都實行唔到。到咗今年,因為可以請到假同想散下心,就係一月決定二月尾三月頭帶埋架單車去踩一部分太平洋岸自転車道。
雖然上次四國環島都已經六年前,但上次嘅經驗對今次嘅行程計劃好重要,知道有咩要帶,有咩要買過,每日嘅合理路程計算,所以今次總體嚟講係輕鬆過上次好多。