2024年3月24日 星期日

[是日踩單車] 日本太平洋岸自転車道 - 第二日

 日本太平洋岸自転車道 - 第二日

路線:成田去銚子
日期:2024年02月23日
距離:52KM
酒店:ホテルサンライズ銚子
相機: Google Pixel 8 Pro + Sony Xperia 1 II

今日係第一日會踩單車嘅日子,所以都唔會plan得太chur,行程只係大約五十公里,可惜就係落雨,難度加咗一級。最後安全到達之餘,亦都畀預計時間早咗到,但發生咗樣傷心事,就係唔小心整心咗個把手😭

銚子站

2024年3月23日 星期六

[是日踩單車] 日本太平洋岸自転車道 - 第一日

日本太平洋岸自転車道 - 第一日

路線:香港去成田
日期:2024年02月22日
酒店:ホテル日航成田
相機: Google Pixel 8 Pro + Sony Xperia 1 II

今日第一日嘅重要任務有三樣,將架單車寄倉,砌返好架單車同寄晒所有行李去最後一間酒店,所有野都順利完成。



2024年3月10日 星期日

[是日踩單車] 日本太平洋岸自転車道 - 準備篇

 日本太平洋岸自転車道 - 準備篇

今次係自從上次去四國環島之後,第三次去日本踩單車,距離上次出國踩單車都有差唔多六年時間。路線係由成田機場出發,踩到去名古屋。除咗由伊良湖去名古屋,同部分路段想省返啲時間,大部分都係沿著太平洋岸自転車道嚟踩。

呢條單車線,喺一兩年前已經睇到,但因為疫情同當時嘅女朋友關係,一直都實行唔到。到咗今年,因為可以請到假同想散下心,就係一月決定二月尾三月頭帶埋架單車去踩一部分太平洋岸自転車道。

雖然上次四國環島都已經六年前,但上次嘅經驗對今次嘅行程計劃好重要,知道有咩要帶,有咩要買過,每日嘅合理路程計算,所以今次總體嚟講係輕鬆過上次好多。


2018年12月26日 星期三

[是日踩單車] 四國單車環島 - 第九日

四國單車環島 - 第九日

路線: 高松市返香港
日期: 2018年12月09日
相機: Sony A5100 + Xperia XA2

今日係行程最後一日,架單車都收埋左,而且坐三點幾飛機,所以今日起身食個早餐,出去行個圈就走了。九日嘅行程好快就完結了,今次呢個單車行程畀我預計辛苦左少少,落左兩日雨,有三日行程長左少少,最尾兩日氣溫涷左少少,除左呢啲之外,我覺得行程係差唔多完美,見到好多靚景,食到唔同野食,去到松山城,買到方包,可以有99分。


2018年12月22日 星期六

[是日踩單車] 四國單車環島 - 第八日

四國單車環島 - 第八日

路線: 四國中央市去高松市
日期: 2018年12月08日
距離: 69.68公里
相機: Sony A5100 + Xperia XA2

唔經唔覺就踩左六日單車,黎到單車行程最後一日,時間真係過得好快。今日行程都係好簡單,冇乜上斜,而且係咁多日路程最短嘅一日。因為想快啲衝線,所以都冇特別遲開始。今日最特別係見到一間我覺得係全四國最靚嘅Lawson。


[是日踩單車] 四國單車環島 - 第七日

四國單車環島 - 第七日

路線: 松山市去四國中央市
日期: 2018年12月07日
距離: 89.65公里
相機: Sony A5100 + Xperia XA2

相對於尋日嘅地獄行程,今日可以話係天堂,唔洗踩過百公里。松山城係其中一個現存天守,冇重建過,所以點都要去睇下,一早起身就去左松山城參觀。除左松山城本身特別外,點樣上去松山城都好特別,可以揀坐吊椅上去。快快手睇完之後,就返酒店拎返行李單車繼續我嘅行程。


[是日踩單車] 四國單車環島 - 第六日

四國單車環島 - 第六日

路線: 四萬十市去松山市
日期: 2018年12月06日
距離: 158.75公里
相機: Sony A5100 + Xperia XA2

今日係最長嘅一日,係計劃果時都知今日會好辛苦,實際都真係好辛苦。開頭又落下雨,又轉涼,中間又要上一個勁斜嘅山,本身都唔係踩得快,係咁嘅情況下踩得仲慢,最後連休息踩左成差不多十三個鐘先到。到松山果刻真係喊出黎,終於到啦。今日風景都唔差,開頭逆四萬十川而行,見到幾條沉下橋,見到雲海。後尾又有段路係沿海踩,經過下灘站,但踩得太慢,所以睇唔到日落。因此,今日雖然辛苦,但都好充實。