[是日踩單車] 四國單車環島 - 第八日

四國單車環島 - 第八日

路線: 四國中央市去高松市

日期: 2018年12月08日
距離: 69.68公里

相機: Sony A5100 + Xperia XA2

唔經唔覺就踩左六日單車，黎到單車行程最後一日，時間真係過得好快。今日行程都係好簡單，冇乜上斜，而且係咁多日路程最短嘅一日。因為想快啲衝線，所以都冇特別遲開始。今日最特別係見到一間我覺得係全四國最靚嘅Lawson。

詳細路線

繼續返尋日國道11就可以去到高松。

https://connect.garmin.com/modern/activity/3211047481

以下係沿途景觀

一早起身，食左尋日買定嘅早餐就開始最後嘅

酒店個名

酒店正門

踩幾踩就會見到全四國最靚Lawson，係一間係海邊，獨立自己一間嘅Lawson

係貼著海邊嘅便利店

佢旁邊就係道路站，道の駅 とよはま，總之係到食早餐

朝早多雲，而且凍左好多，得返幾度

其實想影遠啲果啲陽光，但電話真係影得好差

個道路站都唔細，而且都幾靚。今次途中見到嘅道路站個個都好靚，有特色，而且食野都唔貴， 好值得入去食下野，休息下。係個休息站仲見到另一個踩單車嘅人，但唔係環島嘅，我踩先過佢，但好快就畀佢過左。

之後嘅路大部分都係啲城鎮，冇乜鄉郊路，冇乜特別風景，所以又係冇乜停低影過相。

經過7去洗手間，見到我最鐘意食嘅練奶雪條，即刻買返黎食。自從係岡山食過一次練奶雪條之後念念不忙，係香港未見過有，今次係四國見到同種類嘅雪條(係岡山食到果個牌子係有個牛頭)，即刻買黎食。係高松已經食左，但之後都唔係間間7有得賣，係去到呢到先見到有。

經過坂出市要上一個小山

可以見到瀨戶大橋，放大啲畀你睇。

之後都係一路踩，但因為入返城市範圍，成日要停紅綠燈，所以想踩快啲都踩唔到。去到近高松同係高松市內，有幾個路口要坐電梯行天橋同行隧道，都幾麻煩。因為想快，所以今日冇停低食lunch，直去高松。

終於返到起點啦，好感動。

拎返個單車袋，準備一陣再架單車入返袋

呢間酒店係最靚最舒服嘅一間

左面就係今次住嘅酒店，上面四個大啲嘅窗就係浴場

因為未食Lunch，即刻衝出去食野。酒店好近海，好大風，仲好凍。

踩咁多日單車，最辛苦嘅兩日都係落雨，反而頭尾最輕鬆嘅兩日就好天。

去左食好想食好耐嘅律牛肉飯，叫左尾二大果Size

之後就週圍行多陣街。啲柑好平，成大袋先780羊。

行到瓦町，累，唔想再行，坐兩個站返酒店。

放低啲野就出去食晚餐，其實食完牛肉飯三個鐘都冇，可能踩單車太消耗體力。

唔想行咁遠，係JR站個商場食

又係食烏冬，但又驚唔飽，所以叫個有豬扒飯嘅Set

迷你豬扒飯

冷烏冬，食過幾餐烏冬都好好食

食完就返返酒店裝返好架單車同執行李，都搞左幾個鐘，仲累過踩單車。Check 多次整好之後，就休息。今日係簡簡單單嘅一日，如果再出國踩，每日個節奏都係咁會好好多。